Sunday, January 3, 2016

प्रतियोगी छात्र/छात्रा सहभागिता प्रारूप

प्रतियोगी छात्र/छात्रा सहभागिता प्रारूप के अन्तर्गत कक्षा पाँचवीं  से दसवीं तक छात्र एवं छात्राएँ भाग ले सकते हैं।


Tuesday, December 22, 2015

स्मारिका (2016) मे प्रकाशनार्थ रचना हेतु आमंत्रण

मान्यवर/माननीया,

अत्यन्त हरखक संग सूचित क’ रहल छी जे हमरा लोकनिक संस्था “विद्यापति मैथिल युवा मंच” आगामी सरस्वती पूजा (१३ फरवरी २०१६) केर तैयारीक क्रममे प्रत्येक बरख प्रकाशित होमय बला “स्मारिका”मे प्रकाशनार्थ रचना हेतु अपनेंकें रचना पठेबा लेल सादर आमंत्रित करैत अछि । रचना समसामयिक,लौकिक,शिक्षाप्रद आ सामाजिक विषय-वस्तु पर आधारित हो त’ उत्तम आ ताहूमे ज’ टंकित होए त’ वाह ! वाह ! अन्यथा स्कैन कैल वा साफ अक्षरमे हस्तलिखित पठाएब ताहू लेल कोनो हर्ज नञि । हमरा लोकनि रचना प्राप्त करबाक तिथि निर्धारित केलौं अछि आजुक तिथि स' ल' क' १० जनवरी २०१५, धरि जेकि Facebook Message Inbox, vmymindia@gmail.com वा निम्नलिखित पत्राचारक पता पर सेहो सहर्ष स्वीकार्य अछि । समय एतेक पहिने रखबाक मुख्य कारण जे कोनो प्रकारक रचनामे टंकण अशुद्धि कम-स’-कम होइ तैं अपनें लोकनि स’ साग्रह निवेदन जे अपन सहभागिता आजुक तिथि स’ ल’ क’ अंतिम निर्धारित तिथि धरि अवस्से देल जाउ । हमरा लोकनि नितरोजे बाट ताकब आ आशा करै छी सभ दिन एकटा क’ नव-नव रचना प्राप्त हएत ।

निवेदक :
विद्यापति मैथिल युवा मंच
पत्राचार हेतु :
Vidyapati Maithil Yuva Manch
C/O-SDM & Associates
C-53, 2nd Floor,
Dena Bank Building, Pocket-5,
Mayur Vihar, Phase-1, Delhi-110091
Mobile No. 097173 47995

Saturday, December 19, 2015

वी.एम.वाइ.एम. द्वारा कम्बल वितरण

तमाम प्रिंट ओ इलेक्ट्रॉनिक मीडिया द्वारा दिल्लीक बढ़ैत ठंढ में दूर-दराज स' इलाज करबै वास्ते आएल मरीज आ हुनक परिजन के एहि सिरसिराइत जारमे बस स्टैंड शेड वा अन्यत्र फुटपाथ पर राति बिताएब सनक समस्याकें संज्ञान लैत हमरा लोकनिक संस्था विद्यापति मैथिल युवा मंच,दिल्ली एम्स (AIIMS) अस्पतालक बाहरी परिसरमे दिनांक- १९ दिसम्बर २०१५ मने शनि दिन रातिक दस बजे जरूरतमंद लोककेँ कम्बल वितरण कएल । वितरण स्थल पर पहुँचल संस्थाक पदाधिकारी लोकनि परिजन लोकनि स' हुनक मरीजक समस्या सम्बन्धी बात सेहो केलनि।

फोटो संकलन देखबा लेल क्लिक करू :

Friday, January 30, 2015

सरस्वती पूजा महोत्सव-२०१५

प्रतिमा-२०१५ 
तेरहम सरस्वती पूजा महोत्सव (२४,२५ आ २६ जनवरी)-२०१५



आ 
पढ़बा लेल एहि लिंक पर क्लिक करू ।

संस्था संचालित वी.एम. वाइ.एम. एकेडमी आयोजित छात्र प्रतियोगिता विवरण :
कुल सम्मिलित छात्र/छात्रा : ७०० के करीब
दिनांक -१८ जनवरी २०१५ (रवि)
प्रश्नोत्तरी प्रतियोगी (२०० के करीब) पूर्व चयन लिखित जाँच प्रक्रिया द्वारा, मौखिक आ अंतिम चयन वास्ते चयनित ५०
दिनांक -२४ जनवरी २०१५ (शनि) 
प्रश्नोत्तरी प्रतियोगी अंतिम चयन मौखिक : कुल १२ टा (६ टा जूनियर, ६ टा सीनियर)
दिनांक : २५ जनवरी २०१५ (रविदिन)
पूजा,आरती, विभिन्न प्रतियोगिता आ सांस्कृतिक कार्यक्रम 
स्थान : स्वाती अपार्टमेन्ट पार्क,पश्चिमी विनोद नगर,दिल्ली
नृत्य प्रतियोगी (२०० के करीब) : चयनित कुल ६ टा (३ टा जूनियर, ३ टा सीनियर)
चित्रकला प्रतियोगी (२०० के करीब) : चयनित कुल ६ टा (३ टा जूनियर, ३ टा सीनियर)
गायन प्रतियोगी (१०० के करीब) : चयनित कुल ६ टा (३ टा जूनियर, ३ टा सीनियर)
मंच सञ्चालन : मनीष झा “बौआभाइ”, 
सञ्चालन सहयोग : भरत कुमार झा (मैथिली),बबीता झा (मैथिली) आ मंजू सिंह (हिन्दी)
मंच पर अतिथिक हाथें कुल पुरस्कृत छात्र/छात्रा : ३० टा
पहुँचल अतिथि :
मनीष सिसोदिया ( विधायक, पटपड़गंज,दिल्ली)
विनोद कुमार बिन्नी (विधायक, लक्ष्मीनगर,दिल्ली)
सतीश चन्द्र झा (प्रोफ़ेसर,सनातन धर्म कॉलेज)
एस. एन. झा (रिटायर्ड आइ.ए.एस.,रजिस्ट्रार,आइ.जी.डी.टी.यूनिवर्सिटी फॉर वूमेन)
राजेश शर्मा (एन.आइ.आर.सी.,आइ.सी.ए.आइ.)
गोपाल केडिया (एन.आइ.आर.सी.,आइ.सी.ए.आइ.)
हंसराज चुग (एन.आइ.आर.सी.,आइ.सी.ए.आइ.)
डॉ. पद्माकर मिश्रा (डिप्टी रजिस्ट्रार,दिल्ली विश्वविद्यालय)
सागर झा (अभिनेता)
शुभ नारायण झा (अभिनेता)
रमानाथ झा (निर्माता/निर्देशक-हाफ मर्डर)
संस्था संचालित : वी.एम.वाइ.एम. डिस्पेंसरी द्वारा निःशुल्क स्वास्थ्य परामर्श शिविर
संस्था द्वारा प्रकाशित दू गोट पोथी विमोचित :
“नीक-बेजाए” रचनाकार कवि “मनीष झा बौआभाइ” 
सांस्कृतिक कार्यक्रम :
कलाकार : संजय झा,विमलेश झा,ममता उपाध्याय,मनीष मिश्रा.
उद्घोषक/संचालक : मनीष झा “बौआभाइ”
नृत्य प्रस्तुति : पहिल मैथिली फिल्म “ममता गाबय गीत” फ़िल्मक गीत “भरि नगरीमे सोर” द्वारा अदिती मिश्रा आ राधा-कृष्ण युगल नृत्य द्वारा श्वेतारानी समूह.
संगीत ग्रुप : रमेश मल्लिक.
दिनांक : २६ जनवरी २०१५
हवन, आरती आ तत्पश्चात मूर्ति विसर्जन. 



आ 
पढ़बा लेल एहि लिंक पर क्लिक करू ।

महोत्सवक सफल आयोजन हेतु समस्त कार्यकर्ता, अभिभावक,पाहुन, कलाकार,रचनाकार,अन्य प्रत्यक्ष वा परोक्षरूपेँ  सहयोग केनिहार श्रद्धालु लोकनिक आभार व्यक्त करैत संस्था अपनें लोकनिक उज्जवल भविष्यक कामना करैत अछि ।

Sunday, December 28, 2014

प्रतियोगी छात्र/छात्रा सहभागिता प्रारूप

प्रतियोगी छात्र/छात्रा सहभागिता प्रारूप के अन्तर्गत कक्षा छठी  से नौवीं तक छात्र एवं छात्राएँ भाग ले सकते हैं।


Monday, November 10, 2014

स्मारिका (2015) मे प्रकाशनार्थ रचना हेतु आमंत्रण

मान्यवर/माननीया,
अत्यन्त हरखक संग सूचित क’ रहल छी जे हमरा लोकनिक संस्था “विद्यापति मैथिल युवा मंच” आगामी सरस्वती पूजा (२४ जनवरी २०१५) केर तैयारीक क्रममे प्रत्येक बरख प्रकाशित होमय बला “स्मारिका”मे प्रकाशनार्थ रचना हेतु अपनेंकें रचना पठेबा लेल सादर आमंत्रित करैत अछि । रचना समसामयिक,लौकिक,शिक्षाप्रद आ सामाजिक विषय-वस्तु पर आधारित हो त’ उत्तम आ ताहूमे ज’ टंकित होए त’ वाह ! वाह ! अन्यथा स्कैन कैल वा साफ अक्षरमे हस्तलिखित पठाएब ताहू लेल कोनो हर्ज नञि । हमरा लोकनि रचना प्राप्त करबाक तिथि निर्धारित केलौं अछि आजुक तिथि स' ल' क' १५ दिसंबर २०१४ धरि जेकि Facebook Message Inbox, vmymindia@gmail.com वा निम्नलिखित पत्राचारक पता पर सेहो सहर्ष स्वीकार्य अछि । समय एतेक पहिने रखबाक मुख्य कारण जे कोनो प्रकारक रचनामे टंकण अशुद्धि कम-स’-कम होइ तैं अपनें लोकनि स’ साग्रह निवेदन जे अपन सहभागिता आजुक तिथि स’ ल’ क’ अंतिम निर्धारित तिथि धरि अवस्से देल जाउ । हमरा लोकनि नितरोजे बाट ताकब आ आशा करै छी सभ दिन एकटा क’ नव-नव रचना प्राप्त हएत ।

निवेदक :
विद्यापति मैथिल युवा मंच
पत्राचार हेतु :
Vidyapati Maithil Yuva Manch
C/O-SDM & Associates
C-53, 2nd Floor,
Dena Bank Building, Pocket-5,
Mayur Vihar, Phase-1, Delhi-110091
Landline No. 011-22753741
Mobile No. 097173 47995

स्वच्छ भारत अभियानमे सहभागिता

भारत सरकार द्वारा चलाओल जा रहल “स्वच्छ भारत अभियान”मे हमरा लोकनिक संस्था द्वारा अभियानक प्रारंभिक शुरुआत दिनांक : 09.11.2014 (रविदिन) स्थानीय क्षेत्र पश्चिमी विनोद नगरक शान्ति मार्ग स’ कएल गेल जाहिमे समस्त पदाधिकारी ,कार्यकर्ता आ स्थानीय निवासी लोकनि सभ सेहो बढ़ि-चढि क’ भाग लेलनि आ यत्र-तत्र कूड़ा-करकट नैं फेकबाक शपथ लैत लोक सभ स’ सेहो नगर निगम के कूड़ा फेकै बला गाड़ी वा ठाम-ठाम राखल कूड़ादानमे फेकबाक आग्रह केलनि । संस्था अपनें लोकनिक आभार व्यक्त करैत आह्वान करैत अछि जे अगिला सफाई कार्यक्रमक योजना भिन्न-भिन्न क्षेत्रान्तर्गत राखल जाए जाहिमे अपनें लोकनिक सहयोग पुनः अपेक्षित अछि ।


Monday, February 10, 2014

एहि वर्षक (2014) सरस्वती पूजा सम्पन्न भेल

विगत एगारह बरखक भाँति एहि बेर पुनः पश्चिमी विनोद नगर, स्वाती पार्क, दिल्ली मे संस्था "विद्यापति मैथिल युवा मंच" बसंत पंचमीक पावन अवसर पर 4 फरवरी 2014 कए  सरस्वती पूजनोत्सवक सफलतापूर्वक आयोजन केलक. एहि सुअवसर पर माँ सरस्वतीक सविधि पूजा-अर्चनाक संगहि नेना सभके प्रोत्साहन हेतु कक्षा छ: स' ल' क' नवम धरिक छात्र/छात्राक बीच अनेकानेक गतिविधि जेना कि-प्रश्नोत्तरी, चित्रकला, गायन आ नृत्य प्रतियोगिताक 30 गोट छात्र/छात्रा पुरस्कृत कैल गेल. एहि कार्यक्रमक मंच सञ्चालन के जिम्मा लेने छलीह तीन गोट नव छवि जाहि में दू गोट नन-मैथिलानी भावना रोहिल्ला आ सोनम गुप्ता आ मैथिलानी में शिखा झा जे कि महिला लोकनिक संस्थाक प्रति लगाव आ संग मीलि उद्देश्य पूर्ति में हुनक अभिव्यक्ति के दर्शाबै छल.
एहि विशेष अवसरपर संस्थाक विगत बरखक क्रियाकलाप आ लेखक लोकनिक रचनाक एकटा अनुपम संग्रह  "स्मारिका" सेहो  प्रकाशित कैल गेल. पूजा स्थल पर स्थानीय मैथिल आ अमैथिल दुनू समाजक योगदान निश्चितरूपे एहि सफल आयोजन के रूप में देखबा मे ऐल. सामाजिक, राजनितिक, विभिन्न संस्था आ शिक्षाविद लोकनिक उपस्थिति विशेष आकर्षक रहल जाहि मे दिल्ली सरकार के शिक्षा मंत्री मनीष सिसौदिया, बीजेपी केर पूनम झा आज़ाद, नकुल भारद्वाज, चार्टर्ड अकाउंटेंट इंस्टिट्यूटक पदाधिकारी आ मेंबर गोपाल केडिआ, हंसराज चुग, राजेश शर्मा, अधिवक्ता रंजन कुमार आदि लोकनिक उपस्थितिक संगे मीडियाकर्मी लोकनिक सहयोग  वृहत रूप मे देखबा मे ऐल. श्रद्धालु लोकनिक उपस्थितिसँ पूजा पंडाल शोभायमान भेल. 
संध्या आरतीक पश्चात सांस्कृतिक कार्यक्रम केर आयोजन मे कलाकार-रमेश मल्लिक (संगीत ग्रुप), संजय झा, किशुन भारद्वाज, संजय कुमार झा, उज्ज्वल प्रकाश झा, सुनील पाल, राजेश मिश्रा, अमरेश मल्लिक आ मनीष झा "बौआभाइ"  आदि दर्शक के भरपूर आनंद दैत थोपड़ी बटोरय मे बेस सफल रहलाह. 
प्रातःकालीन पूजा-आरती, हवन आ तकरा बाद प्रतिमाक जल प्रवाह हेतु सभ कार्यकर्ता यमुनाजी मे मूर्ति विसर्जित केलनि. संस्थाक सदस्य आ स्थानीय समाज केर महीनो केर मेहनति आ बुद्धि दात्री माँ सरस्वतीक असीम कृपा स' ई महोत्सव सविधि संपन्न आ सफल भेल. 

Monday, September 16, 2013

मैथिली भोजपुरी साहित्य अकादमीक सहभागिता

संस्था द्वारा आयोजित बसंत पंचमीक पावन अवसरपर15 फरवरी 2013 कए  सरस्वती पूजा आ ओही उपलक्ष्य में नेना सभके प्रोत्साहन हेतु कक्षा छ: स' ल' क' नवम धरिक छात्र/छात्राक बीच अनेकानेक गतिविधि जेना कि-प्रश्नोत्तरी,चित्रकला,गायन आ नृत्य प्रतियोगिताक जाहि में करीब 30 गोट छात्र/छात्रा पुरस्कृत कैल गेल छल आ ताहि में स' प्रश्नोत्तरी प्रतियोगिताक छः टा सीनियर ग्रुप के बच्चा के "मैथिली भोजपुरी साहित्य अकादमी" दिस स' सेहो पुरस्कार के घोषणा कैल गेल छल आ अकादमी समस्त औपचारिकताक उपरान्त प्रत्येक बच्चा के 750/- रुपैया केर शिक्षा सहयोग राशि के चेक पत्राचार केर माध्यम स' प्रेषित कैल गेल। ओना ई औपचारिकता पूर्ण अप्रैले में भेल छल मुदा अभिभावक लोकनि स' ज्ञात कने विलम्ब स' कराओल गेल। हमरा लोकनिक  एहि उद्देश्य में सहयोगार्थ ठाढ़ हेबा लेल आ संग देबा लेल मैथिली भोजपुरी साहित्य अकादमीक आभार व्यक्त करैत अछि। 

Sunday, June 30, 2013

Invitation For Opening Ceremony

Invited for opening ceremony of "DREAM LAND PUBLIC SCHOOL, PLOT NO F-2267, BANSAL CHOWK, RAM PARK EXTN. GHAZIABAD UP under aegis of VIDYAPATI MAITHIL YUVA MANCH, VINOD NAGAR, DELHI-110092." on 1st of July 8 Am . Contact No- 8527345179;8826634901. Thank you

Tuesday, June 18, 2013

Health Service in Nepal VMYM going to get Status of INGO

Respected Members our society VIDYAPATI MAITHIL YUVA MANCH very soon going to get status of an INGO for this VMYM guided a health centre in NEPAL started with DUBAHI VILLAGE today has got registration certificate name MITHILA HEALTH CO-OPERATIVE SOCIETY LIMITED with scope of free health services totally as per VMYM charity guidelines and very shortly will start operation under aegis of VIDYAPATI MAITHIL YUVA MANCH, VINOD NAGAR, DELHI-110092, see registration certificate as attached. Thank you

School opened by VMYM

Hello Members this is for your kind information , VIDYAPATI MAITHIL YUVA MANCH started formal education from this Academic Year from Nursery to Vth standards initially ( plan for upto Xth standards next year) admission has started today 2 students has taken admission total 27 students in just short span of time , this is totally as per VMYM charity guidelines. I congratulates all members and give credit to society. DREAM LAND PUBLIC SCHOOL, PLOT NO F-2267, BANSAL CHOWK, RAM PARK EXTN. GHAZIABAD UP under aegis of VIDYAPATI MAITHIL YUVA MANCH, VINOD NAGAR, DELHI-110092.

Saturday, March 16, 2013

एहि वर्षक (2013) सरस्वती पूजा सम्पन्न भेल

विगत दस बरखक भाँति एहि बेर पुनः डॉ राजेन्द्र प्रसाद पार्क, पश्चिमी विनोद
नगर, दिल्ली में हमरा लोकनिक संस्था "विद्यापति मैथिल युवा मंच" बसंत पंचमीक पावन अवसरपर
15 फरवरी 2013 कए  सरस्वती पूजनोत्सवक सफलतापूर्वक आयोजन केलक अछि । एहि
सुअवसर पर माँ सरस्वतीक सविधि पूजा-अर्चनाक संगहि नेना सभके प्रोत्साहन हेतु
कक्षा छ: स' ल' क' नवम धरिक छात्र/छात्राक बीच अनेकानेक गतिविधि जेना
कि-प्रश्नोत्तरी,चित्रकला,गायन आ नृत्य प्रतियोगिताक (30 गोट छात्र/छात्रा पुरस्कृत, जाहि में स' प्रश्नोत्तरी प्रतियोगिताक छः टा सीनियर ग्रुप के बच्चा के 
मैथिली भोजपुरी साहित्य अकादमी दिस स' सेहो पुरस्कार के घोषणा कैल गेल) पश्चात सांस्कृतिक
कार्यक्रमक आयोजन सेहो कैल गेल  । एहि विशेष अवसरपर संस्थाक विगत बरखक क्रियाकलाप आ लेखक लोकनिक रचनाक एकटा अनुपम संग्रह  "स्मारिका" सेहो  प्रकाशित
कैल गेल। पूजा स्थल पर स्थानीय मैथिल आ अमैथिल दुनू समाजक योगदान निश्चितरूपे
एहि सफल आयोजन के रूप में देखबा मैं ऐल । सामाजिक,राजनितिक,विभिन्न संस्था आ शिक्षाविद
लोकनिक उपस्थिति विशेष आकर्षक रहल जाहि में आम आदमी पार्टी समूह केर संग मनीष
सिसौदिया ,बीजेपी केर पूनम झा आज़ाद, चार्टर्ड एकाउंटेंट इंस्टिट्यूट के
चेयरमैन दुर्गादास अग्रवाल, ब्रिटिश लिंगुआ के प्रबंध निदेशक डॉ बीरबल झा आदि
के संगे मीडियाकर्मी (सौभाग्य मिथिला, दैनिक जागरण,ईटीवी समूह,मिथि मीडिया आ
अन्य) लोकनिक सहयोग  वृहत रूप में  देखबा  में ऐल। संस्था द्वारा संचालित
चेरिटेबल अस्पताल "वी एम वाई एम डिस्पेन्सरी" द्वारा निःशुल्क चिकित्सा
परामर्श कैम्प आ संगहि रंग-बिरंगक पत्रिका/कैसेट/ मिथिला पेन्टिंग/मुफ्त
नेत्र चिकित्सा शिविर आदिक स्टाल आ श्रद्धालु लोकनिक उपस्थितिसँ पूजा पंडाल
शोभायमान भेल । संध्या आरती के पश्चात सांस्कृतिक कार्यक्रम केर आयोजन में
कलाकार-रमेश मल्लिक (संगीत ग्रुप), संजय झा,संजय कुमार झा,पूजा झा,रश्मी
रानी,मनीष झा "बौआभाइ" आ विकास झा "टुन्ना" आदि दर्शक के भरपूर आनंद दैत थोपड़ी बटोरय में बेस सफल रहलाह। 
प्रातःकालीन पूजा-आरती,हवन आ तकरा बाद प्रतिमाक जल प्रवाह हेतु सभ कार्यकर्ता यमुना
जी में मूर्ति विसर्जित केलन्हि। संस्थाक सदस्य आ स्थानीय समाज केर महीनो केर मेहनैत आ बुद्धि दात्री माँ सरस्वतीक असीम कृपा स' ई महोत्सव सविधि संपन्न आ सफल भेल।

संस्था दिस स' एहि सफल आयोजन के सहभागी स्थानीय समाज, प्रतियोगी छात्र/छात्रा, अभिभावक, मीडिया, कलाकार लोकनि,विभिन्न सहयोगी संस्था आदि के हार्दिक धन्यवाद आ आभार। 

Monday, January 7, 2013

Sunday, February 5, 2012

एहि वर्षक (2012) सरस्वती पूजा सम्पन्न भेल

ज्ञात हो की संस्था द्वारा आयोजित प्रतिवर्ष माँ सरस्वतीक पूजाक ई दसम बरख छल, जाहि में संस्थाक सभ सदस्य, सभ कार्यकर्ता, स्थानीय समाज, मीडियाकर्मी लोकनि, लेखक लोकनि,कलाकार लोकनि आदिक अपेक्षानुसार अभूतपूर्व सहयोग भेटल I
संस्था अपने लोकनिक आभार व्यक्त करैत अछि आ आशा करैत अछि जे अहाँ लोकनि अपन स्नेह अहिना
आ अही रूपे दैत रहबै I संस्था अहाँ सभ गोटेक उज्जवल भविष्यक कामना करैत अछि आ माँ सरस्वती स' ई मंगल याचना करैत अछि जे, अहाँ सब गोटे धन-धान्य, यश-कीर्ति आ सुख-सम्पति स' परिपूर्ण रही I
जय मिथिला जय मैथिली I
अहिना हम सब संग चली II

एक बेर पुनः धन्यवाद
विद्यापति मैथिल युवा मंच परिवार



Sunday, January 1, 2012

वी. एम. वाई. एम. के प्रबंधन समिति

Board of Director
Sh.Samayanand Mishra
Pt. Sh. Narayan Ji Jha

Pt. Sh. Hriday Narayan Jha
Sh. Sanjeev Kumar Jha
Sh. Tapan Kumar Jha
Sh. Shailendra Kumar Jha
Sh. C. P. Karan
Sh. Amrendra Kumar Jha
Sh. Rishikesh Nishikar
Sh. Sitaram Varshney

Sh. Brij Mohan Mishra
Sh. Revti Raman Pratihasta
Sh. Pawan Jha
Governing Body Members

1. Sh. Pashupati Nath Jha-President
2. Sh. Sanjay Kumar Jha  - Vice President
3. Sh. Anand Kumar Jha-Secretary
4. Sh. Praful Chandra Jha   _ Treasurer
5. Sh. Manindra Kumar Jha-Member
6.
Sh. Randhir Kumar Jha   -Member
7. Sh. Manish Kumar Jha    -Member
8. Sh. Arbind Jha                  -Member
Excutive Body Members
1. Sh. Ajay Kumar Mishra
2. Sh. Ram Chandra Jha
3. Sh. Vijay Kumar Jha
4. Sh. Kamla Narayan Mishra
5. Sh. Umesh Kumar Dev
6. Sh. Santosh Kr. Choudhry
7. Sh. Rudresh Jha

Friday, December 9, 2011

स्मारिका-२०१२

अत्यन्त हर्षक संग सूचित क' रहल छी आ अपनें लोकनि के ज्ञात हो कि विगत नौ बरखक भांति अहू बेर हमरा लोकनिक संस्था "विद्यापति मैथिल युवा मंच" बसंत पंचमी के शुभ पावन अवसर पर २८ जनवरी २०१२ क' सरस्वती पूजनोत्सवक आयोजन करय जा रहल अछि, आ एहि शुभ अवसर हमरा लोकनि छोट-छोट बच्चा सभके प्रोत्साहन हेतु अनेकानेक गतिविधि (प्रश्नोत्तरी,चित्रकला,गायन एवं नृत्य प्रतियोगिता) आ तत्पश्चात मैथिली गीत- नाद के आयोजन करैत छी, संगहि माँ बुद्धिदात्री सरस्वती कें असीम अनुकम्पा स' एक पत्रिका " स्मारिका" के प्रतिवर्ष सफलतापूर्वक प्रकाशन होइत रहल अछि I एहि उत्सव के सफल बनाब' में अपने लोकनिक अपेक्षित सहयोग भेटैत रहल अछि आ आशा अछि जे निरंतर भेटैत रहत I इच्छुक रचनाकार लोकनि अपन नव रचना जरुर पठाबी I

अपनेंक रचनाक सब विधा में स्वागत अछि रचनाक स्तर पारिवारिक होएय त' उत्तम I रचना शीघ्रता स' प्रेषित करबा वास्ते अंकित ई-मेल के प्रयोग कयल जा सकैत अछि I

रचना प्रेषण स' पूर्व किछु विशेष जानकारी जेना कि:-
१. रचना मौलिक आ अप्रकाशित पठाबी I
२. रचना दिसम्बर महिनाक २० तारीख तक रजिस्टर्ड अथवा साधारण डाक द्वारा निम्नलिखित पता पर पठा देल जाऊ I
३. अपन पासपोर्ट साइज़क एक प्रति फोटो आ संक्षिप्त जीवन वृत्त संलग्न करी I
४. अपन पत्राचार के पता आ संपर्क संख्या जरुर पठाबी कारण जे स्मारिकाक एक प्रति अपनेंके पठाओल जायत I

अपनें सपरिवार एहि शुभ अवसर पर सादर आमंत्रित छी I

निवेदक :-
विद्यापति मैथिल युवा मंच

पत्राचार के पता अछि :-
404,IInd Floor,
Patparganj Industrial Area
New Delhi-११००९२
Mobile:07838541090
09717347995
E-mail: vmymindia@gmail.com

नोट: व्यावसायिक विज्ञापन हेतु स्मारिका में स्थान सेहो राखल जाइत अछि जे, इच्छुक विज्ञापनदाता सुरक्षित करबा सकैत छथि I

Friday, January 28, 2011

सरस्वती पूजा २०११ के मंगलमय शुभकामना



विद्यापति मैथिल युवा मंच द्वारा 8 फरवरी 2011 क' आयोजित सरस्वती पूजा के मंगलमय शुभकामना I

Wednesday, December 1, 2010

स्मारिका (सरस्वती पूजनोत्सव-२०११)

मान्यवर/माननीया,
अत्यन्त हर्षक संग सूचित क' रहल छी आ अपनें लोकनि के ज्ञात हो कि अन्य वर्षक भांति अहू बेर हमरा लोकनिक संस्था "विद्यापति मैथिल युवा मंच" बसंत पंचमी के पावन अवसर पर सरस्वती पूजनोत्सवक आयोजन करय जा रहल अछि, आ एहि शुभ अवसर पर माँ बुद्धिदात्री सरस्वती कें असीम अनुकम्पा स' एक पत्रिका " स्मारिका" के प्रतिवर्ष सफलतापूर्वक प्रकाशन होइत रहल अछि I एकरा निरंतर आगाँ बढाब' में अपने लोकनि स' लेखन सहयोगक अपेक्षा रहैत अछि I रचनाक स्तर पूर्ण रूप स' सामाजिक आ पारिवारिक पठनीय होय जाहि स' हमर अहाँ समाज के किछु बल आ नीक दिशा भेटै I
अपनेंक रचनाक सब विधा आ सब भाषा में स्वागत अछि I रचना शीघ्रता स' प्रेषित करबा वास्ते अंकित ई-मेल के प्रयोग कयल जा सकैत अछि I

रचना प्रेषण स' पूर्व किछु विशेष जानकारी जेना कि:-
१. रचना मौलिक आ अप्रकाशित पठाबी I
२. रचना दिसम्बर महिनाक 2५ तारीख तक रजिस्टर्ड अथवा साधारण डाक द्वारा निम्नलिखित पता पर पठा देल जाऊ I
३. अपन पासपोर्ट साइज़क दू प्रति फोटो आ संक्षिप्त जीवन वृत्त संलग्न करी I
४. रचना टंकित होय त' उत्तम नहि त' साफ-साफ अक्षर में लीखि पठाबी I
५. रचनाक चयन आ प्रकाशन सम्बन्धी निर्णय आ कोनो तरहक जिम्मेदारी संपादक मंडल पर निर्भर करैत अछि I
e-mail :vmymindia@gmail.com, Mob.No.09717347995/Ph. No. 011-22485063

विज्ञापन सम्बन्धी सूचना:
स्मारिका में विज्ञापन के लेल सेहो किछु स्थान राखल गेल अछि, इच्छुक व्यक्ति विज्ञापन हेतु संपर्क करू e-mail :vmymindia@gmail.com, Mob.No.09210639290/Ph. No. 011-22485063

अपनें सपरिवार एहि शुभ पावन बेला पर सादर आमंत्रित छी I

शुभकामनाक संग,
विद्यापति मैथिल युवा मंच (पंजीo)
बी-117, ग्राउंड फ्लोर, नियर यू.पी. ज्वेलर्स,
पांडव नगर, दिल्ली-110092
फ़ोन नं. 011-22485063
मो.न 09210639290
ई-मेल: vmymindia@gmail.com

Wednesday, December 24, 2008

वी.एम.वाई.एम. चैरिटेबल डिस्पेंसरी

VMYM Charitable Dispensary
E-467, Silver Line Hospital wali gali,
Near Gosain Cable Network,
West Vinod Nagar,Delhi-110092
Mob. No. 09910821330

Doctors Pannel
Physician:
Dr. Manoj kumar Jha (M.B.B.S., M.D.)
Dr Bipin Kumar Jha (M.B.B.S.)
Physiotherapist:

Dr Rajesh Kumar Singh (B.P.T.)
Dr. Shrishti (B.P.T.)
Dr Manmendra Kumar Mishra (M.P.T.)
Dr Navneet Kumar Jha (B.P.T.)